Y nifer lleiaf y gellir ei argraffu ar y tro yw 20 eitem, ar gyfer print un lliw. Rhaid argraffu pob eitem gyda'r un dyluniad ac inc o’r un lliw. Dydi hi ddim yn bosibl argraffu bagiau tote a chrysau-t gyda’i gilydd.
el arfer byddwch yn ei derbyn tua 7-10 diwrnod gwaith o'r adeg y cymeradwywyd eich gwaith celf ac y derbyniwyd y taliad. Os oes angen eich eitemau arnoch ar frys, efallai y byddwn yn gallu eich ffitio i mewn yn dibynnu ar ein llwyth gwaith a pha mor gymhleth yw’r gwaith argraffu. Bydd tâl ychwanegol am derfynau amser byr.
Dydyn ni ddim yn argraffu samplau, oherwydd yr amser a dreulir yn paratoi’r peiriant argraffu a faint o inc a gaiff ei wastraffu. Y nifer lleiaf y gellir ei argraffu ar y tro yw 20 eitem.
Bydd angen talu’n llawn am bob archeb ymlaen llaw trwy BACS os yw’n bosibl. Ar ôl i ni gael eich gwaith celf a gwybod faint o eitemau sydd eu hangen byddwn yn anfon anfoneb a phroflen atoch. Mae’r amser arweiniol yn dechrau o’r adeg y derbynnir y taliad ac y cymeradwyir eich proflen.
Rydyn ni’n defnyddio APC neu Parcelforce ar gyfer y rhan fwyaf o archebion sy’n cael eu cludo yn y DU. Bydd angen llofnodi ar gyfer nwyddau wrth iddynt gyrraedd. Bydd cost cludo yn ddibynnol ar faint eich archeb, byddwn yn cynnwys costau postio yn ein dyfynbris.
Oes, gallwn gael gafael ar amrywiaeth eang o ddillad, cysylltwch â ni os ydych yn chwilio am eitem neu frand penodol a gallwn anfon ein catalog llawn atoch.
Gallwch, ond holwch ni yn gyntaf i wneud yn siŵr eu bod nhw’n addas i ni eu sgrin-brintio. Byddwn yn cymryd gofal mawr wrth argraffu eich dillad ond nid ydym yn gyfrifol am amnewid neu roi ad-daliad am unrhyw ddillad sydd wedi'u difrodi neu gam-argraffu. Rydyn ni’n codi tâl am hyn fesul dilledyn - £0.50 am grys-t, a £1.00 am hwdis a chrysau chwys.
Gallwch, gallwn archebu sampl i chi. Rydyn ni’n codi tâl am samplau ac ni ellir rhoi ad-daliad, ond gallwch eu dychwelyd atom i gael eu cynnwys yn eich rhediad argraffu.
Na allwn, nid ydym yn cynnig y gwasanaeth hwn. Y dewis gorau ar gyfer enwau unigol fyddai trosglwyddiadau finyl neu DTG.
Mae'n well gennym ni ffeiliau fector (ai, pdf neu eps) ond gallwn hefyd dderbyn delweddau rastr fel delweddau jpg neu tiffs cydraniad uchel. Rhaid gosod pob delwedd rastr i faint print a bod o leiaf 300dpi. Rhaid trosi pob ffont yn eich gwaith celf i amlinelliadau. Os oes angen unrhyw help arnoch gyda'r gwaith celf rhowch wybod i ni.
Os yw eich ffeil yn fach, anfonwch y ffeil atom yn uniongyrchol trwy e-bost - info@perisandcorr.com. Os yw'r ffeil dros 10MB anfonwch eich gwaith celf gan ddefnyddio www.wesendit.com
Weithiau gall nam yn ystod y broses weithgynhyrchu ddigwydd heb i ni sylwi arno nes i ni ddechrau argraffu eich dillad. Gall camargraffu ddigwydd hefyd wrth sgrin-brintio, os oes dillad ar goll o'ch archeb byddwn yn trefnu ad-daliad.
Rydyn ni’n cadw eich gwaith celf ar y sgriniau am dri mis. Cost sgriniau yw £22.50 yr un (+TAW), i gael rhagor o’r un dyluniad ar ôl i'r tri mis fynd heibio y gost fydd £15 (+TAW).
Mae inciau neon a metelig yn ddrutach nag inciau safonol. Rydyn ni’n codi 30% yn fwy am argraffu gyda'r inciau hyn.
